சன் டிவி மெகா தொடர் -கோலங்கள் - முடியவே முடியாதா?

வெடிகுண்டு வெங்கட்டின் சிறப்பு செய்தியாகிய இந்த பதிவினை நீங்கள் வது நபராக வாசிக்கிறீர்கள்

மக்களே,

கடந்த ஒரு வாரமாக கதை போன போக்கை பார்த்து இந்த வெள்ளிக்கிழமையோடு கோலங்கள் என்ற இந்த சன் டிவி மெகா தொடர் முடிந்து விடும் என்று எதிர்பார்த்தேன். ஆனால், இப்போது பார்த்தால் இனிமேலும் தொடர்ந்து நடைபெறும் என்றே தோன்றுகிறது.

ஆதி (அபியின் சகோதரன்) டிஜிடல் வேல்லி புராஜெட்டுக்காக வெறி கொண்டு பலவிதமான சட்டவிரோதமான செயல்களில் ஈடுபட்டு கடைசியில் தன்னுடைய முயற்சிகளில் தோல்வியுற்று அனைவரின் உறவையும் இசந்து கடைசியில் தன்னுடைய சொந்த அம்மாவையே கொன்றுவிட்டு தானும் தற்கொலை முயற்சியில் ஈடுபடுகிறான்.

ஆனால் அந்த தற்கொலை முயற்சி தோல்வியில் முடிந்து விடுகிறது. என்னடா இது? என்று பார்த்தால் ஆதி கோமாவில் சென்று விடுகிறான். ஆமாம், ஆதி இப்போது ஒரு நடைபிணம் ஆகா இருக்கிறான். இந்த சூழ்நிலையில் ஆதியை கவனித்துக் கொள்ளும் பொறுப்பை அவனின் முன்னாள் மனைவி (தீபா வெங்கட்) இடம் ஒப்படைக்கிறாள் அபி.

 

இந்த ஒரு அசாதாரண சூழ்நிலையில் அந்த பொறுப்பை ஏற்றுக் கொள்கிறார் ஆதியின் முன்னாள் மனைவி. ஆதியின் குழந்தையும் இந்த மாற்றத்தை வரவேற்கிறது. அதனால் ஆதியை அவனுடைய முன்னாள் மனைவியே கேர் டேக்கர் ஆக இருந்து கவனித்து கொள்ள ஒப்புக் கொள்கிறாள், அபியின் வேண்டு கோளுக்கு இணங்க.

சரி, இந்த மொக்கை இதோட முடிந்தது. நாளைக்கு சுபம் போட்டு விடுவார்கள் என்று பார்த்தால், திடீர் என்று ஒரு திருப்பம். தொல்ஸ் (அதாங்க, நம்ம தொல்காப்பியன்) அக்க வந்து அபியிடம் தொல்சை மனம் செய்துக் கொள்ள கேட்கிறாள். டிஜிடல் வேல்லி புராஜெட் அபிக்கு மறுபடியும் வந்து விட்டதை அறிந்த பாஸ்கர் (அபியின் முன்னாள் கணவன்) மறுபடியும் வந்து திருந்தி விட்டதாக நாடகம் ஆடுகிறான். இன்று அந்த நாடகத்தின் உச்ச கட்டமாக அபியின் காலில் பாஸ்கர் விழுந்து தன்னை ஏற்றுக் கொள்ளும்படி கேட்கிறான். அபி பதில் ஏதும் சொல்லாமல் சென்று விடுகிறாள்.

சரி சரி, இந்த மொக்கையை பற்றி ரொம்ப பேசி விட்டதால் கோலங்கள் என்ற பேரில் வந்த வேறு சில நல்ல (இந்த தொடருடன் ஒப்பிடும்போது) தொடரை பாருங்கள். ஆமாம், இந்த தனியார் தொலைக்கட்சிகள் எல்லாம் வருவதற்கு முன்பு தூர்தர்ஷனில் எஸ்.வீ சேகரின் வண்ணக் கோலங்கள் என்ற அற்புதமான காமெடி தொடர் வந்தது. அது இப்போது டிவிடியில் கிடைக்கிறது. பார்த்து மகிழுங்கள்.

அப்படியும் இல்லை என்றால் மோசர்பேர் டிவிடியில் இருக்கும் இந்த அழியாத கோலங்கள் படத்தை பார்த்து விட்டு உங்கள் கருத்தை சொல்லுங்கள், நான் இன்னும் பார்க்கவில்லை. ஆனால் கண்டிப்பாக கோலங்களை விட சிறப்பாகவே இருக்கும் என்பது என்னுடைய கருத்து.