Showing posts with label சென்னை. Show all posts
Showing posts with label சென்னை. Show all posts

தமிழ்நாடு சர்வதேச திரைப்பட விழா 2010 - ஒரு நேரடி ரிப்போர்ட்

மக்களே,

சமீப காலமாக உலக சினிமா ரசிகர்கள் பெருகி வருகிறார்கள். அவர்களின் ஆர்வத்தை தூண்டும் வகையில் இந்த பதிவின் சங்கதி இருக்கின்றது. ஆம், நீண்ட நாட்களுக்கு பின்னர் சென்னையில் ஒரு சர்வதேச திரைப்பட விழா நடைபெறுகிறது. அதனை பற்றிய விவரங்களையும், துவக்க விழாவின் சிறப்பு அம்சங்களையும் விவரிக்கும் வகையில் இந்த பதிவானது அமைக்கப்பட்டுள்ளது.

ஆம், இன்றுமுதல் சென்னை அண்ணாசாலையில் (ஜெமினி பிளை ஓவரின் கீழே இருக்கும்) பிலிம் செம்ம்பரில் தமிழ்நாடு சர்வதேச திரைப்பட விழா துவங்குகிறது. இந்த விழாவானது, தொடர்ந்து நான்கு நாட்கள் நடைபெறும்.

28th October 2010 – Thursday: 01.00 PM – 06.00 PM (2 shows: 01.00 PM & 03.00 PM)

29th October 2010 – Friday: 12.00 Noon – 06.00 PM (2 shows: 12.00 Noon & 03.00 PM)

30th October 2010 – Saturday: 12.00 Noon – 09.00 PM (3 shows: 12.00 Noon, 03.00 PM & 06.00 PM)

31st October 2010 – Sunday: 12.00 Noon – 03.00 PM (International Award Winning Short Films)

இந்த விழாவின் சிறப்பு அம்சம் என்னவெனில் இந்த விழாவிற்கு வருவதற்கோ, அல்லது படங்களை பார்ப்பதற்க்கோ வருகை கட்டணம் எதுவும் கிடையாது (Entry Free). ஆம், முற்றிலும் இலவசமாக பல திரைப்படங்களை கண்டு கழிக்க விரும்பும் உலக சினிமா ரசிகர்கள் அடுத்த நான்கு நாட்கள் வந்திறங்க வேண்டிய இடம் இதுதான்.

பிலிம் சேம்பரில் தமிழ் நாடு சர்வதேச திரைப்பட விழா துவக்கம் – 28th Oct 2010 - Film Chamber, Anna Salai – Mount Raod

FFOTNI 28102010 Banner
FFOTNI 28102010 Details

பிலிம் சேம்பரில் தமிழ் நாடு சர்வதேச திரைப்பட விழா துவக்கம் - திரையிடப்படும் படங்களின் விவரங்கள்

FFOTNI 28102010 Film List
FFOTNI 28102010 Film List To be shown
பிலிம் சேம்பரில் தமிழ்நாடு சர்வதேச திரைப்படவிழா துவக்கம் - திரையிடப்படும் படங்களின் விவரங்கள் & நேரம்
FFOTNI 28102010 Film Time Table

காலை பதினோரு மணி நாற்பத்தி ஐந்து நிமிடங்களுக்கு இந்த திரைவிழா ஆரம்பமாகும் என்று குறிப்பில் இருந்ததால், பதினொன்றரை மணிக்கே வெடிகுண்டார் அங்கே ஆஜராகி விட்டார். (ஆமாம், பின்னே? கழுகார், ஆந்தையார் என்று எல்லோரும் சொல்லும்போது நாம் மட்டும் விதிவிலக்கா என்ன?). இந்த விழாவை தொடர்ந்து ஐந்து வருடங்களாக சிறப்பாக (தன்னுடைய கைக்காசை செலவழித்து) நடத்தி வரும் விழா அமைப்பாளர் திரு மாணிக்கம் நாராயணன் (ஆம், செவன்த் சேனல் மாணிக்கம் நாராயணன் அவர்களேதான்) அவர்கள் காலை பத்தரை மணிக்கே தன்னுடைய அலுவலகத்தில் இருந்து நாற்காலிகளை கொண்டு வந்து மேடை அமைப்பை பார்த்துக்கொண்டு இருந்தார். சரியாக பதினோரு மணி இருவது நிமிடங்களுக்கு இயக்குனர் திரு மிஷ்கின் அங்கே வந்தார். சர்வதேச அளவில் படங்களை ஒருங்கிணைக்கும் திருமதி க்ளோரியா அவர்களும் நேரத்திற்கு வந்து விட்டார்கள். ஆனால், திரு சாரு நிவேதிதா அவர்கள் மட்டும் வராததால் அனைவரும் வெளியிலேயே அவருக்காக காத்துக்கொண்டு இருந்தனர். 

மாணிக்கம் நாராயணம் அவர்கள் நேரம் கடந்து கொண்டிருப்பதால் "ஒரு காரை அவரின் வீட்டிற்கு அனுப்பலாமா"? என்று கேட்கையில் "வேண்டாம், அவர் காரில்தான் வருகிறார்" என்று மிஷ்கின் பதிலளித்தார். சரியாக ஐந்து நிமிடங்கள் கழித்து பனிரெண்டு ஐந்திற்கு சாரு வந்து சேர்ந்தார். இப்போது ஒரு ரகசியத்தை வெடிகுண்டார் போட்டு உடைக்கப்போகிறார். ஆம், மாணிக்கம் நாராயணன் அவர்களுக்கு சாரு நிவேதிதாவை தெரியாது. அவர் முன்னே, பின்னே பார்த்ததில்லை. ஆகையால், மிஷ்கின் அவரை அறிமுகம் செய்து வைத்தார். இப்போது இரண்டாம் மேட்டர்: இந்த விழாவிற்கு வருவதற்கு தொலைபேசி மூலமாகவே அவர்களை மாணிக்கம் நாராயணன் அவர்கள் அணுகினார்.

தமிழ்நாடு சர்வதேச திரைப்படவிழா துவக்கம் - மாணிக்கம் நாராயணன், இயக்குனர் மிஸ்கின் & சாரு நிவேதிதா

FFOTNI 28102010 Mysskin, manickam Narayanan & Charu

விழாவும் ஒருவழியாக துவங்கியது, இருவது நிமிடங்கள் தாமதமாக. முதலில் மாணிக்கம் நாராயணன் அவர்கள் பேசினார். பின்னர் சாரு நிவேதிதா பேசினார். அதற்க்கு பின்னர் க்ளோரியா அவர்கள் பேசியதும், கடைசியாக இயக்குனர் திரு மிஷ்கின் பேசினார். இனி ஒவ்வொருவரும் பேசியதின் கருத்தாம்சங்கள்  :

மாணிக்கம் நாராயணன்: இவர் மிகவும் சுருக்கமாக பேசினார். ஐந்து நிமிடங்கள் கூட பேசவில்லை. அதில் (வழக்கம்போல) உணர்ச்சி வசப்பட்டு கண்ணீர் விட்டு (உண்மையிலேயே), இரண்டு நிமிடங்கள் வேறு பேசாமல் இருந்தார். இயக்குனர் மிஷ்கினை முதலில் சந்தித்தது, வேட்டையாடு விளையாடு படத்தை எடுத்தது, தன்னுடைய முடிவெடுக்கும் திறனை சிலாகித்தது என்று அழகாக பேசினார். தன்னுடைய முன்தினம் பார்த்தேனே படத்தை சிறிது கூறினார். அந்த படத்தை பார்த்து முடித்தவுடன் அதி உணர்ச்சிகள் குறைவாக இருப்பதால் அந்த படத்தை சரியமைக்க இயக்குனர் மிஷ்கின் அவர்களின் உதவி தேவை என்று கோரிக்கையும் வைத்தார். தன்னுடைய தற்போதைய நிலைமை சரிவர இல்லாத காரணத்தால், தன்னால் "நந்தலாலா" படத்தை வெளியிட விரும்பினாலும் (ஐய்ங்கரன் வசம் இருந்து உரிமையை பெற்று), தற்போதைய சூழலால் முடியாது என்று வருந்தினார்.

ஐந்து வருடங்களுக்கு முன்பு இந்த திரைப்பட விழாவை துவக்கும்போது பட்ட கஷ்டத்தையும், அமைச்சர் ரகுபதி அவர்கள் செய்த உதவியையும் நினைவுகூர்ந்தார். இந்த திரைப்பட விழாவானது சினிமா சமூகதிர்ற்கும், ரசிகர்களுக்கும் தன்னால் இயன்ற ஒரு சிறு உதவி என்று பேசி முடித்தார்.

வெடிகுண்டார் தகவல்: இந்த வருடமும் சுமார் மூன்று லட்ச ருபாய் வரை தன்னுடைய சொந்த செலவில் இந்த விழாவை நடத்துகிறார் மாணிக்கம் நாராயணன் அவர்கள். அவரை பாராட்டுவோம்.

 

மேடையில் சாரு நிவேதிதா எந்திரனை ஒரு பிடி பிடித்தபோது எடுக்கப்பட்ட புகைப்படம்

FFOTNI 28102010 Charu On Dais

சாரு நிவேதிதா: எழுந்து வரும்போதே ஒரு சிறிய பேப்பர் துண்டை தன்னுடைய ஜீன்ஸ் பேண்ட்டின் பின் பாக்கெட்டில் இருந்து எடுத்துக்கொண்டு வந்தார். பொறுமையாக பேச ஆரம்பித்தார். கேரளாவில் நடக்கும் பிலிம் பெஸ்டிவலையும், கான் திரைப்பட விழாவையும் பேச ஆரம்பித்தார். பின்னர் பல உலக சினிமா இயக்குனர்களை பற்றி சிலாகிக்க ஆரம்பித்து விட்டார். "நான் ஏன் தாமதமாக வந்தேன்?" என்று தன்னிலை விளக்கமும் கொடுத்தார். சுருக்கமாக ஆனால் ரசனையாக பேசிக்கொண்டே இருந்த சாரு, திடீரென்று ரஜினிகாந்த்தை பற்றியும் பேச ஆரம்பித்தவுடன் சூடு பிடிக்க ஆரம்பித்தது. இது போன்ற விழாக்களை ரஜினி போன்றவர்கள் ஆதரித்து தங்களுடைய சினிமா உலகுக்குக்கான கடமையை செய்ய வேண்டும் என்றார். 

அவரது பேச்சின் அல்டிமேட் செய்தி இதுதான்: இந்திரன் படம் சகிக்கவில்லை. ரஜினி இந்த வயதிலும் ரொமான்ஸ் செய்வது அவருடைய தாத்தாவும், பாட்டியும் டூயட் பாடுவது போல இருக்கிறது என்றார். ரஜினி, அமிதாப் பச்சனை போல சிறந்த, தன்னுடைய வயதிற்கு ஏற்ற கதாபாத்திரங்களை தேர்ந்தெடுக்க வேண்டியது அவசியம் என்றார். சீனி கம் என்ற இந்தி படமும் ரொமான்ஸ் படம்தான், அதனை பாருங்கள் என்றார். கமினே, தேவ் டீ போன்ற படங்களை நமது ஊர் சென்சார் அதிகாரிகள் கூட அனுமதிக்க மாட்டார்கள் என்றார். த்ரீ இடியட்ஸ் அங்கு வந்த ஒரு டைம் பாஸ் படம்தான், மற்றபடி உண்மையான இந்தி சினிமா தமிழ் சினிமாவைவிட பல மடங்கு எட்ட முடியாது உயரத்தில் இருக்கிறது என்று கூறினார்.

வெடிகுண்டார் தகவல்: இந்த திரைப்பட விழாவை பற்றிய தகவல் தனக்கு தாமதமாக வந்ததால் தன்னால் ஆனந்த விகடனில் எழுதமுடியவில்லை என்றார்.

க்ளோரியா செல்வநாதன்: இலங்கையில் பிறந்த இவர் தற்போது வசிப்பது ஜெர்மனி என்றாலும் தமிழ் படங்களின் ஆர்வலர் என்றும், உலக சினிமா ஆர்வலர் என்றும் அறிமுகம் செய்துக்கொண்டார். பல உலக சினிமா மேடைகளில் சினிமா பற்றிய விவாதங்களை ஆங்கிலத்தில் உரையாடுவதைவிட இங்கு தமிழில் பேசுவது மிகவும் மகிழ்வாக இருப்பதாக கூறினார். மிகவும் சுருக்கமாக, ஆனால் இனிமையாக பேசினார்.

வெடிகுண்டார் தகவல்: அடுத்த நான்கு நாட்களும் திருமதி க்ளோரியா அவர்கள் இந்த விழாவில் தான் இருப்பார்கள். அவர்களுடன் கலந்துரையாட விரும்புவர்கள் நேரிடையாக வரலாம்.

 

படங்கள் திரையிடப்பட ஆரம்பிக்கப்பட்டபோது அமைப்பாளர் க்ளோரியா செல்வநாதன் அவர்களுடன் மிஸ்கின்

FFOTNI 28102010 Mysskin with Organaiser Gloriana

இயக்குனர் திரு மிஷ்கின்: இவரது பேச்சு தான் இந்த விழாவின் ஹை லைட் (வழக்கம் போல). இவர் பேசிக்கொண்டு இருக்கும்போது கடைசியில் அமர்ந்திருந்த சிலரின் பேச்சு இவரை டிஸ்டர்ப் செய்ததால் அவர்களை வெளியே சென்றோ, அல்லது மேடையில் வந்தோ பேசும்படி கேட்டுக்கொண்டார். தற்போதைய தமிழ் சினிமா எப்படி இருக்கிறது என்ற கேள்விக்கு "நான்தான் அதற்க்கு விடை". என்று பதில் அளித்தார். ஆம், ஒரு நல்ல சினிமாவை எடுத்து விட்டு இரண்டு ஆண்டுகளாக அதனை வெளியிட முடியாமல் இருப்பதிலேயே தமிழ் சினிமா எங்கே போய்க்கொண்டு இருக்கிறது என்பதை உணரலாம் என்றார். எந்திரனை பற்றி சாரு பேசி விட்டார், என்னால் பேச இயலாது என்றார்.

அழுவது என்பது ஒரு உணர்ச்சியின் வெளிப்பாடே. அழுவது என்பது கோழையின் செயல் அல்ல. ஒரு வீரனால் மட்டுமே மேடையில் அழ இயலும் என்று மாணிக்கம் நாராயணன் அவர்கள் உணர்சிவசப்பட்டதை பற்றியும் கூறினார். பின்னர் படங்களை எடுக்கும்போது தான் மறுபடியும் தன்னுடைய தாயின் கருப்பைக்குள்  இருப்பதை போன்றே இருப்பதாக அழகாக கூறினார்.

எனக்கிருப்பது அர்ரோகன்ஸ் (கர்வம்) என்று கூறினார். அது, தன்னுடைய தாயிடமிருந்து தனக்கு வந்தது என்றும், பதினைந்து வருடங்களுக்கு முன்பு அந்த ஒரு குணத்தினாலேயே தான் வீட்டில் இருந்து வெளிவந்ததாகவும் கூறினார். தான் லேண்ட் மார்க்கில் வேலை செய்த நாட்கள் தான் தன்னுடைய வாழ்வில் மிகச்சிறந்த நாட்கள் என்றார். ஒருவகையில் தான், தன்னுடைய கடைசி இருவது பிறவிகளிலேயுமே நல்லது செய்ததால்தான் இப்போது இந்த வாழ்வில் சினிமாவில் இருப்பதாக கூறினார்.

தன்னுடைய முதல் இயக்குனர்கள் (அவர் உதவி இயக்குனராக வேலை பார்த்த பொது) மூலம் தான் எதுவுமே கற்கவில்லை என்றும் கூறினார். பின்னர், விழாவிற்கு வந்திருந்த இரண்டு நபர்களின் பெயரை சொல்லி (பத்திரிக்கையாளர்கள்?) "உடனே பொய், அவர்களிடம் சொல்ல எண்ணாதீர்கள், இதனை நான் அவர்களிடமே கூறுவேன்" என்றும் கூறினார். தான் கற்றுக்கொண்டது அகிரா குரசோவா, சத்யஜித் ரே, மற்றும் கிட்டானோ போன்றவர்களின் படங்களில் இருந்தே என்றார். இதுவரை இரண்டாயிரம் முறை "செவன் சாமுராய்" படத்தை பார்த்திருப்பதாகவும், இன்னமும் ஒரு இரண்டு லட்சம் முறை அந்த படத்தை பார்க்க இருப்பதாகவும் கூறினார்.

கிட்டத்தட்ட இவரது பேச்சு முழுவதுமே ஒரு ஹை லைட் என்பதால் முழு பேச்சையும் வெளியிடுவது கடினம்.

வெடிகுண்டார் தகவல்: தீபாவளிக்கு வெளியாகவிருந்த இவரது நந்தலாலா படம் தீபாவளி படங்களின் வருகையினால்  தியேட்டரில் இடமின்மையால் தீபாவளி கழித்து 2 வாரங்கள் கழித்து வெளிவர இருப்பதையும் கூறினார்.

DSC02162

இந்த தருணத்தில் சாரு நிவேதிதா மறுபடியும் பேச இருப்பதாக மாணிக்கம் நாராயணன் அவர்கள் குறிப்பிட்டார், அப்போது மறுபடியும் பேச வந்த சாரு, நந்தலாலா படத்தை பற்றி சிலாகித்து பேசினார். உடனடியாக பணக்காரர்கள் ஆகவிரும்புவர்கள் அந்த படத்தை எடுத்து வெளியிடலாம் என்று கூறியதுதான் ஹை லைட்.

அப்பாடா, ரொம்ப நாளா மக்களுக்கு (குறிப்பாக உலக சினிமா ரசிகர்களுக்கு)  பயனுள்ள ஒரு பதிவாவது போட எண்ணி இருந்தேன், இன்று செய்து விட்டேன்.

இதுவரையில் பொறுமையாக படித்த நண்பர்கள் அனைவருக்கும் நன்றி.

த எக்ஸ்பெண்டபிள்ஸ் (1947 – 2010 – ?!)

மக்களே,

திருமணமாகாத அனைவருக்கும் என்னுடைய சுதந்திர தின நல்வாழ்த்துக்கள். திருமணமானவர்களுக்கு, வெல், வேறென்ன சொல்ல, ஆழ்ந்த அனுதாபங்கள். இந்த பதிவின் தலைப்பை பார்த்து விட்டு த எக்ஸ்பெண்டபிள்ஸ் ஹாலிவுட் படம் விமர்சனம் என்று நினைத்து வந்தீர்கள் என்றால், ஐயம் சாரி. அதற்க்கு நீங்கள் வேறிடம் செல்ல வேண்டி இருக்கும்.

பதிவிற்குள் நுழைவதற்கு முன்பாக, த எக்ஸ்பெண்டபிள்ஸ் என்றால் அர்த்தம் என்ன என்று சொல்லிவிடுகிறேன். இந்த வார்த்தை பிரயோகம் ரேம்போ படத்தின் இரண்டாம் பாகத்தில் தான் உபயோகப்படுத்தப்பட்டது. ஒரு கொரிய/வியட்நாமிய நாட்டுப்பெண் (உடனே கொரிய பிகர்கள் இருக்கும் கொரிய படங்களாக போட்டு தாக்கும் கருந்தேளிடமோ இல்லுமினாட்டியிடமோ செல்ல வேண்டாம்) கோ-பாவோ ரேம்போவிடம் கேட்பார்: “இந்த ஆபத்தான வேலைக்கு ஏன் உங்களை தேர்ந்தெடுத்தார்கள்?” என்று.

அதற்க்கு ரேம்போ சொல்வார்: “ஏனென்றால் நான் எக்ஸ்பெண்டபிள்” என்று. 

அதற்க்கு கோ பாவோ கேட்பார்: “எக்ஸ்பெண்டபிள் என்றால் என்ன?".

ரேம்போ சொல்லும் பதிலே இந்த புதிய படத்திற்கு அடிக்கோல்: "யாரை நீங்கள் உங்கள் வீட்டிற்க்கு அழைத்ததுவிட்டு அவர வரவில்லை என்றால் கவலைபடமாட்டீர்களோ, அவர்தான் எக்ஸ்பெண்டபிள்". 

அதாவது, அந்த நபரால் நமக்கு வேலை ஆகவேண்டும், அதே சமயம் அந்த நபருக்கு அதில் ஆபத்து வந்தாலும்கூட நமக்கு கவலை இல்லை. அவர்கள்தான் எக்ஸ்பெண்டபிள்ஸ்.  உடனே அதற்காக ரேம்போ மாதிரி ஆட்கள்தான் எக்ஸ்பெண்டபிள்ஸ், நாம இல்லை என்று நினைத்து விடாதீர்கள். ஒரு வகையில் பார்த்தால் அரசாங்க இயந்திரத்திடமும், லஞ்ச லாவண்ய பிரபுக்களிடமும் நாம் எல்லோருமே எக்ஸ்பெண்டபிள்ஸ்தான். எப்படி என்றா கேட்கிறீர்கள்? கீழ்க்காணும் படங்களை சற்றே பாருங்கள்.

ஒரு மேன் ஹோல் முழுவதுமாக திறந்துள்ளது. யார் வேண்டுமானாலும் பலி கொடுக்கப்படலாம்.
DSC02008
சற்று உத்து பார்த்தால் அந்த மேன் ஹோல் குப்பைகளால் மறைக்கப்படுகிறது - விபத்திற்கு வழி?
DSC02009
இந்த மேன் ஹோல் குப்பைகளால் மூடப்பட்டு பலரும் விழ வழி வகுக்கிறது
DSC02010

மேலே நீங்கள் கண்ட படங்கள் ஏதோ ஒரு சேரியிலோ அல்லது குப்பை மேட்டிலோ என்றுதானே நினைத்தீர்கள்? அது சரிதான். சற்று கூர்ந்து கவனியுங்கள் நண்பர்களே. நீங்கள் எந்த இடத்தை பார்த்துக்கொண்டு இருக்கிறீர்கள் என்று தெரியவரும்.

குப்பைகள், கழிவுகள், கசடுகள், மற்றும் இவர்களின் ஊடே மனிதர்கள் - இதுதான் இன்றைய சூழல்
DSC02011
நவநாகரீகத்தின் நடுவில் நம்முடைய கழிவுகள் - இது ஹைக்கூ கவிதை மாதிரியே இல்லை?
DSC02012
மூட்டை, மூட்டையாக கொட்டப்படும் குப்பைகளும், அதன் நடுவில் மனிதர்களும்
DSC02013
ஒரு சாதாரண தூரலுக்கே இந்த நிலை என்றால் 3மணி நேரம், 4 மணி நேரம் பெய்தால்?
DSC02014
அடுத்த மேன் ஹோல் ரெடி - நமக்கு நாமே குழி பறிக்கும் நாள் இதுதானோ?
DSC02015

என்ன மக்களே, இவ்வளவு படங்களை பார்த்தும் இது எந்த இடம் என்று உங்களால் கண்டுபிடிக்க முடியவில்லையா? என்ன கொடுனை சார் இது? தயவு செய்து அடுத்த படத்தை பாருங்கள். பிறகாவது உங்களால் கண்டுபிடிக்க முடிகிறதா என்று பார்ப்போம்.

மக்கள் கூட்டமா இல்லை மாக்கள் கூட்டமா?
DSC02016

இன்னமும் கண்டுபிடிக்க முடியவில்லையா? சரி விடுங்க சார். இந்த கடைசி படத்தை பாருங்கள். இப்போது உங்களுக்கே தெரியும் இது எந்த இடம் என்று.

ஒரு சனிக்கிழமை (14th Aug) டி. நகர் ரங்கநாதன் தெருவின் காலை பதினோரு மணி நெரிசல்
DSC02017

ஆமாம், இந்தியாவிலேயே அதிகமாக மக்கள் புழங்கும் தியாகராய நகரின் மையப்பகுதியாகிய ரெங்கநாதன் தெருவின் புகைப்படங்களே இவை. இந்த படங்களை மறுபடியும் ஒரு முறை பார்த்தது விடுங்கள். பிறகு பதிவின் நோக்கத்தை நோக்கி செல்வோம்.

DSC02008 DSC02009 DSC02010 DSC02011
DSC02012 DSC02013 DSC02014 DSC02015

ஒக்கே, பதிவின் ஆரம்பத்தில் நாம் எக்ஸ்பெண்டபிள்ஸ் பற்றி சொன்னதை ஒருமுறை நினைவுபடுத்துங்கள். முடியாதவர்களுக்கு :

கோ-பாவோ: “இந்த ஆபத்தான வேலைக்கு ஏன் உங்களை தேர்ந்தெடுத்தார்கள்?”.

ரேம்போ: “ஏனென்றால் நான் எக்ஸ்பெண்டபிள்”.

கோ பாவோ: “எக்ஸ்பெண்டபிள் என்றால் என்ன?".

ரேம்போ சொல்லும் பதிலே இந்த புதிய படத்திற்கு அடிக்கோல்.

ரேம்போ:"யாரை நீங்கள் உங்கள் வீட்டிற்க்கு அழைத்ததுவிட்டு அவர வரவில்லை என்றால் கவலைபடமாட்டீர்களோ, அவர்தான் எக்ஸ்பெண்டபிள்".

அதாவது, அந்த நபரால் நமக்கு வேலை ஆகவேண்டும், அதே சமயம் அந்த நபருக்கு அதில் ஆபத்து வந்தாலும்கூட நமக்கு கவலை இல்லை. அவர்கள்தான் எக்ஸ்பெண்டபிள்ஸ்.  உடனே அதற்காக ரேம்போ மாதிரி ஆட்கள்தான் எக்ஸ்பெண்டபிள்ஸ், நாம இல்லை என்று நினைத்து விடாதீர்கள். ஒரு வகையில் பார்த்தால் அரசாங்க இயந்திரத்திடமும், லஞ்ச லாவண்ய பிரபுக்களிடமும் நாம் எல்லோருமே எக்ஸ்பெண்டபிள்ஸ்தான்.

இந்த சரவணா ஸ்டோர்ஸ், ஜெயச்சந்திரன் ஸ்டோர்ஸ் போன்ற கடைகாரர்களுக்கும் மற்ற மரண வியாபாரிகளுக்கும்கூட நாம் ஒரு வகையில் எக்ஸ்பெண்டபிள்ஸ் தான். ஏனென்றால் அவர்களுக்கு அவர்களின் சரக்கை வாங்க ஆட்கள் தேவை, மற்றபடி அதை வாங்க வருபவர்கள் எந்த கஷ்டத்திற்கு ஆளானாலும் சரி, அதை பற்றி அவர்களுக்கு கவலை இல்லை. வாங்க வருபவர்கள் மேன் ஹோலில் விழுந்தாலோ, அல்லது சாக்கடையில் கால் வழுக்கி அடிபட்டாலோ அதை பற்றி அவர்களுக்கு கவலை இல்லை.

நம்ம கடையில் வாங்க வருகிறார்களே, நாம் சற்று சுத்தமாக இருப்போம் என்றுகூட அவர்களுக்கு சிந்தனை இல்லை. அதே நேரம் அந்த தெருவில் குப்பைகளை கொட்டாமல் இருப்போமே என்ற யோசனையும் இல்லை. அதே நேரம் தவறு நம்ம மக்களிடம் தான் இருக்கிறது. ஒரு டி சாப்பிட வேண்டும் என்றால் கூட கடையை பார்த்து பார்த்து செலக்ட் செய்யும் நாம் (கடைக்காரன் முழி சரி இல்லை, கடை முன்னே நிக்க இடம் இல்லை, கடையில் உட்கார சரியான பெஞ்ச் இல்லை, கடை வாசலில் சாக்கடை தேங்கி நிற்கிறது), அதைப்போல ஏன் இந்த கடைகளிலும் செய்யக்கூடாது என்று கேட்கக் தோன்றுகிறது.

இப்போது கடைக்காரர்களுக்கு சில பல கேள்விகள்:

1. காந்தி சொன்னது போல "வாடிக்கையாளரே நமது தெய்வம்" என்றெல்லாம் கூட சொல்ல தேவை இல்லை. அவர்களுக்கு தேவையான குறைந்தபட்ச தேவைகளைக்கூட உங்களால் செய்ய இயலாதா?

2. உங்கள் வீடு வாசலில் இப்படி குப்பை இருந்தால் நீங்கள் சும்மா இருப்பீர்களா என்ன? இந்த கடைதானே உங்களுக்கு பணம் தரும் வகை, இங்கே அதே சுத்தம் இருக்க வேண்டாமா?

3. உங்கள் வீட்டு வாசலில் இப்படி ஒரு மேன் ஹோல் திறந்து இருந்தால் விட்டு வைப்பீர்களா என்ன? உங்கள் வீட்டிற்கு வருபவர்கள் காயமடைந்தால் உங்களுக்கு தானே அவமரியாதை?

அடுத்ததாக அரசு இயந்திரங்களுக்கு சில கேள்விகள்:

இந்நாள் மாநகரதந்தைக்கு:

1. ஐயா, மக்கள் நடமாட்டம் அதிகமுள்ள எரிக்களில் தான் அதிகம் வியாதிகள் பரவும் என்பது உங்களுக்கு தெரியும் அல்லவா? மழைக்காலம் வந்தவுடனே டெங்கு, மலேரியா, போன்ற வியாதிகளும் படையெடுத்து வருமே, இது போன்ற இடங்கள் சுத்தமாக இருக்கவேண்டாமா? மாநகராட்சியின் கண்களுக்கு இந்த இடங்கள தெரியவே தெரியாதா?

2. இந்த ரெங்கநாதன் தெருவில் நடைபாதை எங்குள்ளது என்பதை நீங்கள் எனக்கு காட்ட முடியுமா? இப்படி கடைக்காரர்கள் முழுவதுமாக ஆக்கிரமிப்பு செய்துள்ளார்களே, இதையெல்லாம் மாமூல் வாங்கிக்கொண்டு அமைதியாக இருக்கும் போலிஸ்காரர்கள் தான் கண்டுக்கொள்ள மாட்டார்கள், நீங்களுமா? நடைபாதை ஆக்கிரமிப்பு என்பது சட்டப்படி குற்றமல்லவா? அல்லது அதனை நினைவுபடுத்துவது தான் உங்கள் கடமையா?

3. இந்த பெரிய கடைகளின் வாசலில் அவர்களின் சார்பு கடைகள் (ஐஸ்கிரீம், பஜ்ஜி போண்டா) உள்ளனவே, அவர்கள் லைசென்ஸ் வாங்கியுள்ளார்களா?

முன்னாள் மாநகரதந்தைக்கு:

1. ஐயா, முதன்முதலில் சிங்கார சென்னை என்கிற கான்செப்டை பிரபலப்படுத்தியவர் நீங்கள்தான். இப்போது துணை முதல்வர் ஆகியவுடன் அதனை எல்லாம் மறந்து விட்டீர்களா என்ன?

2. மக்கள் அதிகம் புழங்கும் இடங்களையே நாம் அழகாக வைத்திருக்க வேண்டும். யாருமே இவராத இடங்களை அழகு படுத்தி பார்ப்பதில் என்ன சுவை? யாருமே இல்லாத இடத்தில் யாருக்கு டீ போட வேண்டும்?

3. அது எப்படிங்க சார், நீங்க இருக்கும் தெருவில மட்டும் குண்டும் குழியும் சாக்கடையும் இல்லாம சுத்தமா இருக்கு. நாங்க வசிக்கிற இடத்துக்கு ரோடு இல்லை. நாங்கல்லாம் மனுஷங்க இல்லையா?

என்னாடா இவன், மக்களுக்கு கேள்வியே இல்லையா என்று நினைக்கலாம். அவங்க கிட்ட கேட்டு.................. ஹும்ம்ம்மம்மம்ம்ம்ம் விடுங்க சார்.

இதுவரையில் பொறுமையாக படித்த நண்பர்கள் அனைவருக்கும் நன்றி.

அப்பாடா, ரொம்ப நாளா மக்களுக்கு பயனுள்ள ஒரு பதிவாவது போட எண்ணி இருந்தேன், இன்று செய்து விட்டேன். அதில் அனைவருக்கும் ஒரு மெஸ்சேஜ் வேறு சொல்லி விட்டேன்.

அனுஷ்காவும், ஆபாச போஸ்டரும்

மக்களே,

கடந்த சில நாட்களாக உடல்நிலை சரியில்லாத காரணத்தினால், அலுவலகத்திற்கு செல்லவில்லை. அதுமட்டுமில்லாமல் இணையத்திலும் எதுவும் பதியவில்லை. இன்று உடல்நலம் சற்று தேறியவுடன் என்னுடைய கடமைகளை நிறைவேற்ற வந்தபோது ஒரு போஸ்டரைக்காண நேரிட்டது. அந்த போஸ்டரே இன்றைய இந்த பதிவின் காரணம்.

படத்தை பாருங்கள். ஒரு நடுத்தர வயது முதியவர் பைக் ஓட்டிச்செல்கையில் அவருடைய கவனம் சுவற்றில் இருக்கும் போஸ்டரின் மீதே இருக்கிறது. அதனால் ரைட் கட் எடுக்கவேண்டிய ஒரு சைக்கிள் ஓட்டும் இளைஞன் (அட, இவரு வேறங்க, நம்ம கலைஞரின் இளைஞன் கிடையாது) கடுப்பாகி அவரை திட்ட முயல்கிறான். DSC01996 சரி, அப்படி அந்த போஸ்டரில் என்ன விசேடம் என்று பார்த்தால் ஒன்றுமில்லை. சரி என்று மறுபடியும் கண்ணை கசக்கிக் கொண்டு பார்த்தால், அட, ஆமாங்க, மக்களை திரும்பி பார்க்கத்தூண்டும் ஒரு விஷயம் அந்த போஸ்டரில் இருந்தது.

அனுஷ்காவின் அந்த மார்புக் கச்சையின் நீளமானது சற்றே குறைவாக இருப்பதும், அதனால் அவரது வாளிப்பும், வனப்பும் அனைவரின் பார்வைக்கு விருந்தாகவும் இருந்ததை கண்டேன். மனம் நொந்தேன். ஒரு காலத்தில் இது போன்ற போஸ்டர்கள் ஓட்டுவதற்கு என்றே சில இடங்கள் இருந்தன. இப்போதோ, அனைத்து இடங்களிலும் ஓட்டுகிறார்கள். DSC01997 சற்று கஷடப்பட்டு பார்ப்பவர்களுக்காக இதோ மற்றுமொரு (அருகாமையில் எடுக்கப்பட்ட) புகைப்படம். இந்த படத்தில் என்ன மறைக்கப்படவேண்டுமோ, அது மறைக்கப்படாமல் ஒளிவு மறைவின்றி அனைவரின் கண்களுக்கும் விருந்தாகி, விபத்துக்களுக்கு வித்திட்டு கொண்டு இருக்கிறது.

இது போன்ற ஆபாச போஸ்டர்களை தடுக்க சென்னை மாநகராட்சி ஒரு சிஸ்டம் கொண்டு வந்ததாக நினைவு. அது மட்டுமின்றி நகரில் ஒட்டப்படும் அனைத்து போஸ்டர்களும் உத்தரவு பெறப்பட்டே (சான்றிதழுடன்) ஓட்டப்பட வேண்டும். சில நேரங்களில் இது போன்ற போஸ்டர்களில் தியேட்டர் பெயர்களை "முக்கியமான" இடத்தில் ஒட்டி விடுவார்கள். அட் லீஸ்ட் அப்படியாவது செய்து இருக்கலாம். இது போன்ற போஸ்டர்களை பார்க்கும்போதுதான் சென்னை மாநகராட்சி என்ன செய்துக்கொண்டு இருக்கிறது என்று கோபம் வருகிறது. DSC01998 சரி, இந்த போஸ்டர் தான் இப்படி. மற்றபடி பத்திரிக்கைகளில் செய்யப்படும் விளம்பரமாவது சரியாக இருக்கிறதா என்று ஆராய கடந்த வெள்ளிக்கிழமை அன்று வெளிவந்த தினத்தந்தி பத்திரிக்கையின் ஆன்லைன் பேப்பரை பார்த்தேன். (தமிழில் வரும் பத்திரிக்கைகளில் தினத் தந்தி, தினகரன், தமிழ் முரசு போன்றவை இலவசமாக ஆன்லைன் ஈ பேப்பரை அளிக்கின்றன). என்ன கொடுமை? அங்கேயும் இதே விளம்பரம்தான் வெளியிடப்பட்டு இருக்கிறது.

Dailythanthi friday july 09th 

என்ன செய்வது? சமூக சீர்கேட்டை நோக்கி விரைவுப்பாதையில் சென்றுக்கொண்டிருக்கும் நம்முடைய நாட்டில் சட்டம் ஒழுங்கானது இந்த நிலையில்தானா இருக்கிறது? அது தவிர, சில பல கேள்விகள்:

ஒன்று: சென்னை மேயருக்கு / கமிஷனருக்கு: ஐயா, இது போன்ற விஷயங்களால் எவ்வளவு விபத்துக்கள் நடக்கின்றன என்பது உங்களுக்கு தெரியும். விபத்துக்களை தவிர "வேறு சிலவற்றுக்கும்" இந்த விளம்பரங்கள் வித்திடுகின்றன என்பதும் உங்களுக்கு தெரியும். என்ன செய்ய வேண்டும் என்பதும் உங்களுக்கு தெரியும். இனிமேல் என்ன செய்யப் போகிறீர்கள் ஐயா?

இரண்டு: பத்திரிக்கைகளுக்கு: சமூக பொறுப்புணர்ச்சி என்று ஒன்று இருப்பதாக சில வேளைகளில் காட்டிக்கொள்வீர்களே, அது இன்னமும் உள்ளதா? இந்த விளம்பரங்களை வெளியிட்ட அந்த சினிமா விளம்பர பகுதி எடிட்டரின் தவறு என்று சொல்லி தப்பித்துக்கொள்ள வேண்டாம். இனிமேல் என்ன செய்யப் போகிறீர்கள் ஐயா?

மூன்று: சினிமா நிறுவனங்களுக்கு: அடிக்கடி கேட்கப்படும் கேள்விதான். (உங்கள் சகோதரி, சொந்தங்களின் படங்களை இப்படி வெளியிடுவீர்களா?) ஆனால் நான் அதனை கேட்கப்போவதில்லை. இந்த மாதிரி காட்சிகள் படங்களில் வருவது வியாபார நோக்கில் இன்றியமையாததாகி விட்ட சூழலில், அட்லீஸ்ட் போஸ்டர்களிலாவது இவற்றை தவிர்க்கலாமே?

நான்கு: மாதர் சங்கங்களுக்கு: வழக்கமாக பெண்களுக்கு எதிராக இழைக்கப்படும் அவலங்களை கண்டு கொதிக்கும் உங்கள் ரத்தம் மாஸ்கோ பனி போல உறைந்து விட்டதா என்ன? இவற்றை எல்லாம் விட்டு விட்டு, ஏதாவது நடிகைகளுக்கு எதிராக செயல்படுவதில் தான் உங்களுக்கு விருப்பம் என்றால், உங்களிடம் கேட்க எனக்கு கேள்வியே இல்லை, மன்னிக்கவும்.

ஐந்து: சமூக நீதிக் காவலர்களுக்கு: சென்ற கேள்வியை அப்படியே ரிபீட் செய்துக்கொள்ளவும். டைப் அடிக்கவோ/ காபி பேஸ்ட் செய்யவோ சோம்பேறித்தனம்.

ஆறு: உயர்திரு ராம நாராயணன் அவர்களுக்கு: ஐயா, நீங்கள் மூன்றாம் முறையாகவும் தொடர்ந்து தேர்தலில் வெற்றி பெற்றமைக்கு பாராட்டுக்கள். சினிமா துறையை நீங்கள் வாழ வைப்பீர்கள் என்று பலரும் நம்புகிறார்களாம். ஆகையால், இது போன்ற விஷயங்களுக்கு உங்களின் தீர்வு என்ன?

இதுவரை படித்தமைக்கு நன்றிகள்.

முன்னோட்டம் - இரும்புக்கோட்டை முரட்டுச் சிங்கம் (2010)

இயக்கம் சிம்புதேவன்
தயாரிப்பு கல்பாத்தி S.அகோரம்
ஆக்கம் சிம்புதேவன்
நடிப்பு ராகவா லாரன்ஸ்
  லக்ஷ்மி ராய்
  பத்மபிரியா
  சந்தியா
  நாசர்
  சாய் குமார்
  M.S.பாஸ்கர்
  ரமேஷ் கண்ணா
  மனோரமா
  டெல்லி கணேஷ்
  வையாபுரி
  மெளலி
  இளவரசு
இசை G.V.பிரகாஷ் குமார்
ஒளிப்பதிவு அழகப்பன்
எடிட்டிங் ராஜா முகம்மது
விஷுவல் எஃபெக்ட்ஸ் பீட்டர் பால் (வைட் லோட்டஸ்)
ஸ்டூடியோ AGS ஃபிலிம் எண்டெர்டெய்ன்மெண்ட்
ரிலீஸ் மே 7, 2010

சுவாரசியமான தகவல்கள்:

வரும் வெள்ளியன்று (மே 7, 2010) வெளிவரவிருக்கும் இரும்புக்கோட்டை முரட்டுச் சிங்கம் திரைப்படம் குறித்து ஒரு EXCLUSIVE முன்னோட்டம். விமர்சனம் விரைவில்.

· கிட்டத்தட்ட 36 வருடங்களுக்குப் பிறகு தமிழில் வெளிவரும் முதல் கெள-பாய் திரைப்படம் இதுதான்.

· 1972-ல் கர்ணன் இயக்கத்தில் மக்கள் கலைஞர் ஜெய்சங்கர் நடித்து வெளிவந்த கங்கா திரைப்படம்தான் தமிழில் கடைசியாக வெளிவந்த முழு நீள கெள-பாய் திரைப்படம் ஆகும்.

Ganga Film

· இயக்குனர் சிம்புதேவன் தான் படித்து ரசித்த/ரசித்துக் கொண்டிருக்கும் கெள-பாய் காமிக்ஸ்களையும் (டெக்ஸ் வில்லர், லக்கி லூக், கேப்டன் டைகர், சிக்பில்) பார்த்து ரசித்த கெள-பாய் படங்களையுமே இப்படத்திற்கு உந்துதலாக அமைந்தது என்கிறார்.

· அதிலும் குறிப்பாக மக்கள் கலைஞர் ஜெய்சங்கர் நடித்து வெளிவந்த கெள-பாய் திரைப்படங்களுக்கு இயக்குனர் சிம்புதேவன் பெரும் ரசிகராவார். அவருக்கு மரியாதை செலுத்தும் வகையில் படத்தில் காணப்படும் ஊர்களுக்கும் தெருக்களுக்கும் அவரது பெயரையே சூட்டியுள்ளார் (உம்: ஜெய்சங்கர்புரம் என்று ஒரு ஊருக்கு பெயர் வைத்துள்ளார்).

Jaishankar

· படத்தை எடுப்பதற்கு முன் இயக்குனர் சிம்புதேவன் 1960களிலும் 70களிலும் மக்கள் கலைஞர் ஜெய்சங்கர் நடிப்பில் பல கெள-பாய் திரைப்படங்களை இயக்கிய காமிரா மேதை கர்ணன் அவர்களை சந்தித்து அவரின் நல்லாசிகளுடனேயே படத்தை துவக்கியுள்ளார்.

Jai Shankar Enga Paattan Sothu Jai Shankar Jakkamma

· THE GOOD, THE BAD AND THE UGLY படத்தையும் தன்னை பாதித்த படங்களில் ஒன்று என்று குறிப்பிட்டிருக்கிறார் இயக்குனர் சிம்புதேவன். தன் படத்திலும் ஒரு நல்லவன் (ராகவா லாரன்ஸ்), ஒரு கெட்டவன் (நாசர்), ஒரு விநோதன் (M.S.பாஸ்கர்) என்று மூன்று கதாபாத்திரங்களை உருவாக்கியுள்ளார்.

Irumbu-Kottai-Murattu-Singam-5

· இதில் விநோதனாகத் தோன்றும் M.S.பாஸ்கரின் கதாபாத்திரம் படத்தில் பேசும் ஒரு வித மொழியையே புதிதாக உருவாக்கியுள்ளார்கள். இதற்காக பல நாட்கள் தீவிரமாக ஆராய்ந்து அந்த புது மொழிக்கு ஒரு அகராதியையே உருவாக்கியுள்ளார்கள். படம் பார்த்துவிட்டு வெளியே வரும் ரசிகர்கள் கண்டிப்பாக அந்தப் புது மொழியிலிருந்து நான்கைந்து வார்த்தைகளாவது கற்றுக் கொள்வது நிச்சயம் என்கிறார்கள்.

irumbu_kottai_murattu_singam_1

· படத்தில் நடிக்கும் பலரும் இதுவரை குதிரையேறியதில்லை என்பதால் அனைவருக்குமே குதிரையேற்றம் பயிற்றுவிக்கப் பட்டது. இதில் குறிப்பாக லக்ஷ்மி ராய் பயிற்சிக்குப் பின் ஒரு தேர்ந்த குதிரை வீராங்கனையாக மாறி விட்டாராம். அவர் குதிரையில் பவனி வரும் அழகைக் கண்ட கவிப்பேரரசு வைரமுத்து அவர்கள் படவிழாவில் அவரைப் புகழ்ந்து “ஒரு அரேபியக் குதிரையே குதிரை மீது சவாரி செய்கிறது! குதிரை கொடுத்து வைத்திருக்க வேண்டும்!” என்றெல்லாம் கவிதை மழை பொழிந்தாராம்.

· படத்தின் ஒரு பாடல் காட்சி வியட்நாமில் உள்ள ஹா லோங் விரிகுடா எனும் இடத்தில் படமாக்கப்பட்டது. இங்குதான் PIRATES OF THE CARIBBEAN படமும் படமாக்கப்பட்டது என்பது குறிப்பிடத் தக்கது.

படம் பார்க்கும் அனைவருக்கும் இது மறக்க முடியாத புதுமையான அனுபவமாக இருக்கும் என்று படக்குழுவினரும் நாமும் நம்புகிறோம்.

சாப்பிடும் இடத்தில் சாதி வெறி = ஒரு கொலைவெறி ஹோட்டல்

மக்களே,

இன்றுதான் சென்னை திரும்பிய நானும் என்னுடைய தோழரும் மதிய உணவை குறிவைத்து பயணம் செய்தோம். அப்போது திடீரென்று நண்பருக்கு அபீசியல் போன் கால் ஒன்று வந்து விட நண்பர் சுமார் ஒன்றரை மணி நேரம் அதில் மூழ்கி விட்டார். அதனால் எங்கே செல்வது என்றில்லாமல் நானும் சீருந்தில் அங்கேயும் இங்கேயும் சென்றுக்கொண்டிருந்தேன். சற்றே கவலையான விஷயம் போலும், நண்பர் சிறிது சோகமாகி விட்டார். அதனால் அருகிலுள்ள ஏதாவது ஒரு ஹோட்டலில் சென்று சாப்பிடலாம் என்று பார்த்தேன். மைலாப்பூர் மேம்பாலம் அருகில் ஒரு ஹோட்டல் தென்பட்டது.

நானோ முழு சைவம், நண்பரோ லேக்டோ வெஜிடேரியன். அதாவது முட்டை மட்டும் சாப்பிடும் சைவக்காரர். அதனால் அருகில் இருந்த இந்த ஹோட்டலில் நுழைந்தோம். இரண்டு காரணங்கள்: 

1. கார் பார்க் பண்ண இடம் இருந்தது

2. குளிரூட்டப்பட்ட உணவகம், அதாங்க A/C.

 

Image(369)
Image(368)
Image(367)

ஆனால், அங்கு சென்றது எவ்வளவு பெரிய தவறு என்பது சற்று நேரத்தில் தான் தெரிய வந்தது. ஏ சி ரூமில் சென்றவுடனே தெரிந்தது அது ஒன்றும் சுத்தத்திற்கு பெயர் போன இடமில்லை என்பது. சிறிது நேரம் வெயிட் செய்தவுடன் ஒருவர் வந்து "இன்னா சார் வேணும்?" என்று கேட்டார். பின்னர் தான் தெரிந்தது அவர் அந்த ஹோட்டலில் வேலை செய்பவர் என்று. சரி, ஆளுக்கொரு மீல்ஸ் என்று ஆர்டர் செய்தோம், நண்பர் "முட்டை பிரியாணி" என்று மாற்ற்விட்டு, கூடவே "ஆம்லேட் ஒன்று, முட்டை பொரியல் ஒன்று, ஹாப் பாயில் ஒன்று" என்று அடுக்கிக் கொண்டே போனார். ஆனால் அந்த நபரோ, "சார் சைட் டிஷ் ஏதாவது ஆர்டர் பண்ணால் மட்டுமே இங்கு சாப்பிட முடியும், இல்லையெனில் வெளியே போங்கள்" என்று சொன்னார். மனம் நொந்த நாங்கள் " அதான் எவ்வளவு சைட் டிஷ் ஆர்டர் செய்துள்ளோமே" என்று கூறியும் அவர் கண்டுக்கொள்ளவில்லை. 

சரி முதலாளியிடம் புகார் செய்தால் சரியாகிவிடும் என்றெண்ணி கள்ளப்பெட்டியிடம் சென்றோம். சுமார் ஐம்பது வயது மதிக்கத்தக்க ஒரு பெரியவர் வெள்ளையும் சொள்ளையுமாக உட்கார்ந்துக்கொண்டு இருந்தார். அவரிடம் சென்று கூறியவுடன், அவரும் அதே பல்லவியை பாடினார். நான் வெஜிடேரியன் என்று சொன்னவுடன், அவர் "பரவாயில்லை, ஏதாவது சைட் டிஷ் ஆர்டர் செய்யுங்கள், பிறகு அங்கு A/C ஹாலில் சாப்பிடுங்கள்" என்று மறுபடியும் ஆரம்பித்தார். கடுப்பான நண்பர் "வாப்பா போகலாம், இப்படியே இருந்தால் வெளங்கிடும்" என்று என்னை அழைத்தார். உடனே அந்த வெள்ளை + சொள்ளை கடுப்பாகி விட்டு, "எங்க உங்கள மாதிரி பிராமினை எல்லாம் யார் உள்ளே விட்டது? இது எங்க ஆளுங்க ஹோட்டல்" என்று சாதி பிரச்சினையை தூண்டிவிட்டார். வெஜிடேரியன் என்றாலே அவன் பிராமின்தானா என்ன? என்ன கொடுமை சார் இது? என்று மனம் நொந்து வெளியே வந்தோம்.

மக்களே,

நீங்களே பதில் சொல்லுங்கள். அந்த ஹோட்டலின் வாயிலில் அசைவம் என்று இருந்தும் சாப்பிட சென்றது தவறு என்று நீங்கள் சொல்லலாம், ஆனால் பின்னர் நானும் நண்பரும் அருகில் இருந்த ராயப்பேட்டை முனுசாமி ஹோட்டலில் தான் சாப்பிட்டோம். நான் சைவமும், நண்பர் அதே ஆர்டரை ரிபீட் செய்தும் (முட்டை பிரியாணி" , கூடவே "ஆம்லேட் ஒன்று, முட்டை பொரியல் ஒன்று, ஹாப் பாயில் ஒன்று) சாப்பிட்டோம். அங்கே இந்த மாதிரி பிரச்சினை எல்லாம் எதுவும் நடக்கவில்லை. இங்கு யாருடைய தவறு? நமதா? அல்லது அந்த ஹோட்டலின் முதலாளியினுடயதா?

சாப்பிட்டு விட்டு வந்தவுடனே இந்த தெருப்பலகை தான் கண்ணில் பட்டது. அதுதான் உடனே புகைப்படம் எடுத்து விட்டேன். இடம், பொருள் எல்லாம் சரியாக வந்த படம் இது.

Image(360)

இப்படி மொக்கையாக இந்த நாள் அமைந்து விட்டதே என்று மவுன்ட் ரோட் சென்றால் அங்கு ஒரு நோட்டிஸ் போர்டை பார்த்து விட்டு இன்னமும் கடுப்பானேன். நீங்களே பாருங்கள் இந்த மொக்கையை.

Image(352)

இப்படி நம்மை ஒரு மொக்கை பாண்டி பிராமிணன் ஆக்கிவிடானே என்று வந்தால் இந்த போஸ்டர் கண்ணில் பட்டது. என்ன இன்று எல்லாமே விவகாரம்தான் என்று கூட தோன்றியது.

DSC01735

கவனிக்கவும் - இது ஒரு மொக்கை பதிவு. ஆகையால் கமெண்ட் போடலாம்.

காக்காய் வலிப்பும் காலைநேர சென்னைவாசிகளும்

மக்களே,

நேற்று காலை (திங்கட்கிழமை, April மாதம் ஐந்தாம் தேதி) என்னுடைய அடுத்த சுற்றுப்பயணத்தை துவக்க நான் சென்னை சென்ட்ரல் இரயில் நிலையத்தை சென்றடைந்தேன். அப்போது மணி ஒன்பதரை இருக்கும். லோக்கல் ரயில் நிலையத்தின் மெயின் வாசலில் ஒரு பெரிய கூட்டம் நிற்பதை கண்டேன்.

என்னடா, மக்கள் கூட்டம் இப்படி இருக்கிறதே என்று நம்முடைய கேமரா பார்வையினால் பார்த்த்துக் கொண்டே அருகில் சென்றேன். கூட்டம் அப்படி சூழ்ந்து இருந்தது. அதனால் ஒன்றுமே தெரியவில்லை. ஏதோ, அபிமன்யுவை சூழ்ந்த கவ்ரவர்கள் போல மக்கள் கூட்டம் ஒரு சிறிய வட்டம் அடித்தட்டு நிற்பதை காணுங்கள். அந்த வட்டத்தின் நடுவில் அப்படி என்ன/யார் இருக்கும்?

DSC01772

கூட்டத்தை ஒரு வழியாக விலக்கி கொண்டு சென்றால் நடுவில் ஒரு ஸ்கூட்டரும் ஒரு மனிதரும் இருந்தார்கள் அந்த மனிதரை மக்கள்கூட்டம் எப்படி சூழ்ந்து இருக்கிறது என்பதை பாருங்கள்.அவருக்கு காற்றுகூட கிடைக்காது என்பதைப் போல இருந்தது.

அந்த மனிதர் ஸ்கூட்டரை ஒட்டிக் கொண்டு வந்தபோது திடீரென்று காக்காய் வலைப்பூ  வலிப்பு வந்து அந்த இரும்பு கைப்பிடி மேலே விழுந்து விட்டார். அதனை பார்த்த மாக்கள் சிலர் அவரை தரையில் உட்கார வைத்தனர். அதற்குள் ஒருவர் வந்து "இந்தாங்க, இது ஷீரடி சாய்பாபா விபூதி - இதனை நெற்றியில் இடுங்கள், எல்லாம் சரியாகி விடும்" என்று இன்ஸ்டன்ட் டாக்டரானார். பாருங்கள், மனிதரின் நெற்றியில் விபூதி இருப்பதை. (இந்த சைட் ஏங்களில்-Side Angle- பார்த்தால் நம்ம அதிஷா கொஞ்சம் வயசான மாதிரியே இல்லை?)

DSC01774

ஒரு வழியாக காக்காய் வலிப்பு பற்றி சொல்லி, இரும்பு எல்லாம் தேவை இல்லை. அவருக்கு சுவாசிக்க காற்று கிடைத்தால் போதும் என்பதை விளக்கி மக்களை நகர செய்வதற்குள் போதும் போதும் என்றாகி விட்டது எனக்கு. இந்த பளபளக்கும் இரும்பு கம்பியின் மீதுதான் அவர் விழ இருந்தார்.

அதற்குள் சிலர் அந்த ஸ்கூட்டரை கையகப் படுத்த நினைத்தனர் (அதில் போலிஸ் என்று எழுதி இருந்தும்). அதனால் அந்த வண்டியின் சாவியை எடுத்து அவரின் பாக்கெட்டில் வைத்தது விட்டேன். பின்னர் அவரை உட்கார செய்தேன். ரெஸ்ட் எடுத்தாலே இந்த வலிப்பு சரியாகி விடும்.

ஒரு வழியாக அந்த கூட்டத்தை அனுப்பிவிட்டு அவரின் செருப்புகளை சேகரித்து அவரை அணிய செய்து அவரை சற்று களைப்பாற செய்வதற்குள் கால் மணிநேரம் ஆகிவிட்டது. அதற்குள், "இரும்ப கொடு, கம்பிய விடு" போன்ற புத்திசாலி கமென்ட்டுகளும் காதில் விழுந்தது. அதே நேரத்தில் "அவரை கைத்தாங்கலாக பிடியுங்கப்பா, உட்கார வைங்க, இங்கே வாங்க, தண்ணி கொடுங்க, சோடா சொல்லுங்க" என்று மேனஜர் வேலையும் பலர் பார்த்தனர்.

DSC01777

ஒருவழியாக அவரை சரிபடுத்தி அனுப்பி வைத்த பிறகு தான் நான் யோசித்தேன் - இந்த சூழ்நிலையிலும் கூட மக்கள் காக்காய் வலிப்பு, இரும்பு என்று இருக்கிறார்களே, இன்னுமா அவர்களுக்கு அறிவு வரவில்லை என்று.

அதனால் என்னுடைய நண்பர் டாக்டர் (பாண்ட்) பரத், PGDCA அவர்களை நம்முடைய வெடிகுண்டு பதிவில் வந்து இந்த வலிப்பை பற்றிய சந்தேகங்களை நிவர்த்தி செய்ய சொன்னேன்.  Take Over Doctor:

 

  • காக்காய் வலிப்பின் ஆங்கிலப் பெயர் - எபிலெப்சி ஆகும். For Further Reading, Wikipedia Tamil, English
  • இது ஒரு  பொதுவான தீவிரமான நரம்புச் சீர்கேடு ஆகும்
  • மூளையில் நிகழும் அசாதரணமான, மிதமிஞ்சிய, அதே சமயம் குறுகிய காலத்திற்கு தோன்றும் வலிப்புத்தாக்கங்கள் தான் இந்த வலிப்பிற்கு காரணம்.
  • இது ஒரு மருத்துவ குறைபாடே-நோயே ஆகும்.

வலிப்பு வந்தால் செய்ய வேண்டியவை: 

  • உடனடியாக அவருக்கு போதிய இடம் அளியுங்கள், சுவாசிக்க காற்று வரவிடுங்கள். அவரை சூழ்ந்து நிற்க வேண்டாம்.
  • அவரின் நாக்கு எப்படி இருக்கிறது, எங்கே இருக்கிறது என்பதை கவனியுங்கள். சிலர் வலிப்பின்போது தம்மையறியாமல் நாக்கை கடித்துக்கொள்ளவும் செய்வார்கள்.
  • அவருக்கு மூச்சு திணறல் வராமல் பார்த்துக் கொள்ளுங்கள்.
  • பொதுவாக, அதிகபட்சம் மூன்று நிமிடங்களில் அந்த வலிப்பின் வீரியம் குறைந்துவிடும். அப்படி குறையாமல் ஐந்து நிமிடங்களுக்கு மேல் தொடர்ந்தால் அது மிகவும் ஆபத்தானதாகும். உடனடியாக அவருக்கு மருத்துவமனையில் அவசரகால சிகிச்சை அளிக்க வேண்டும்.

வலிப்பின்போது செய்ய கூடாதவை 

  • வலிப்பு வந்தவருக்கு கையிலோ, வாயிலோ எதனையும் திணிக்க வேண்டாம்.
  • குறிப்பாக இரும்பினால் ஆன பொருட்களை கொடுத்தால் அதனால் தன்னைத்தானே காயப்படுதிக்கொள்ள வாய்ப்பு அதிகம்.
  • வலிப்பு வந்த நபர் முழுமையாக சரியாகாத வரை (அவருக்கு வலிப்பு தானாக நிற்காத வரை) அவரை பலவந்தமாக பிடிக்கவோ, கட்டுப்படுத்தவோ கூடாது.
  • அவராக அடங்கும்வரை காத்திருக்க வேண்டும். புஜபல பராக்கிரமத்தை காட்டினால், வலிப்பு பாதியில் நின்று உயிருக்கே கூட ஆபத்தாக முடியலாம்.

வலிப்பு வந்தவுடன் செய்ய வேண்டியவை

  • வலிப்பிற்கு பிறகு பாதிக்கப்பட்ட நபர் பலவீனமடைதல் & குழப்பமடைதல் பொதுவான ஒன்றாகும். ஏனெனில் அவருக்கு வலிப்பு வந்தது தெரியாது. அவருக்கு தெளிவாக, மறுபடியும், மறுபடியும் "உங்களுக்கு வலிப்பு வந்தது" என்று சொல்லுங்கள்.
  • பாதிக்கப்பட்ட நபர் சாதாரண நடவடிக்கைக்கு மாறும் வரை மற்றொருவர் உடனிருந்து அவருக்கு நம்பிக்கையும் ஆறுதலும் அளிக்க வேண்டும்.
  • சிலர் வலிப்பிற்கு பின் வாந்தி எடுப்பார்கள், அதனால் சற்று விலகியே இருங்கள்.
  • வலிப்பிற்கு பிறகு அந்த நபர் சாதாரண விழிப்புணர்வு நிலைக்குத்திரும்ப பலமணி நேரம் ஆகும். அதனால் அவரை தனித்து விடவேண்டாம்.

இதுவரையில் பொறுமையாக படித்த நண்பர்கள் அனைவருக்கும் நன்றி.

அப்பாடா, ரொம்ப நாளா மக்களுக்கு பயனுள்ள ஒரு பதிவாவது போட எண்ணி இருந்தேன், இன்று செய்து விட்டேன். அதில் அனைவருக்கும் ஒரு மெஸ்சேஜ் வேறு சொல்லி விட்டேன்.

Related Posts Widget for Blogs by LinkWithin